Cristiano Ronaldo është përfshirë në listën e Portugalisë për ndeshjet e Ligës së Kombeve.
41-vjeçari Ronaldo kishte lënë të kuptohet se mund të tërhiqej nga përfaqësuesja pas Botërorit të mbajtur në verë.
Por, ylli i futbollit ende nuk e ka në plan largimin.
Ronaldo do të jetë 43-vjeçar në “Euro 2028”, që është turneu i radhës i madh.
Lista e publikuar të premten është e para e përzgjedhësit të ri, Jorge Jesus, i cili e zëvendësoi spanjollin Roberto Martinez.
Jesusi më herët ka punuar me Ronaldon tek Al Nassr në Arabinë Saudite, kurse e fituan ligën së bashku në edicionin e kaluar.
72-vjeçari Jesus ka udhëhequr edhe disa klube portugeze, përfshirë Benfican dhe Sportingun.
Pesë herë fituesi i “Topit të Artë”, Ronaldo, i prin listës së golashënuesve në nivel përfaqësuesesh. I ka plot 146 gola. Arritja më e madhe me Portugalinë është triumfi në “Euro 2016”.
Portugalia e nis Ligën e Kombeve më 24 shtator në shtëpi ndaj Uellsit. Luan me Norvegjinë në udhëtim tri ditë më vonë, e më pas me Danimarkën më 1 tetor. Më 4 tetor e pret Norvegjinë.