Real Madridi të dielën nëpërmjet një komunikate ka njoftuar se portieri belg, Thibaut Courtois, ka lëndim në nyjet sakroiliake.
“Pas testeve mjekësore në portierin Thibaut Courtois, ai është diagnostikuar me telashe në nyjet sakroiliake. Situata e tij do të monitorohet”, ka qenë njoftimi i shkurtër i klubit madrilen të dielën.
Ky lëndim i portierit shtatlartë ka ardhur pak para nisjes së Kupës së Botës për Klube, dhe nuk dihet nëse trajneir Xabi Alonso do ta ketë atë në dispozicion.
Për Courtoisin është lëndimi i katërt i sezonit.
33-vjeçari në sezonin që tashmë ka përfunduar, ka qenë i pranishëm në 46 ndeshje, ndërsa ka pranuar 55 gola. Nuk ka pranuar fare gol në 14 ndeshje.
