Sulmuesi i Kosovës, Milot Rashica, nuk pritet të qëndrojë te Beshiktashi për edicionin e ardhshëm në Superligën e Turqisë në futboll. Ai pritet të largohet në verë.
Beshiktashi po përgatitet të bëjë ndryshime të mëdha në skuadër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“F5haber”, ka raportuar të martën se Rashica nuk është në planet e trajnerit Ole Gunnar Solskjaer.
Mësohet se një ekip tjetër nga Turqia po këmbëngul për transferimin e Rashicës.
Rashica fundjavën e kaluar realizoi gol në fitoren 4:1 të Beshiktashit ndaj Adana Demirsporit.
28-vjeçari pjesë e gjigantit turk është nga viti 2023. Ai u transferua nga Norwich City për pesë milionë euro.
Rashica pos Beshiktashit në elitën e futbollit turk ka luajtur edhe për Galatasarayn. Me Galatën madje fitoi edhe titullin e kampionit në edicionin 2022/2023.
Rashicës, kontrata me Beshiktashin i përfundon në vitin 2027.
Në 40 ndeshjet e zhvilluara ai ka kontribuar me pesë gola dhe 12 asistime.