Rashica asiston në Ukrainë

Ermir Rashica ka lënë gjurmë në fitoren e skuadrës së Metalist 1925. 
Metalist 1925 fitoi 1:0 ndaj Kolos Kovalivkas të shtunën në ndeshjen që i takoi javës së shtatë të elitës së futbollit ukrainas. 
Rashica asistoi te goli i fitores që e realizoi Denys Antyukh në minutën e 63-të. 
Sulmuesi shqiptar e kompletoi ndeshjen dhe për të ishte asistimi i dytë këtë edicion. Ka edhe një gol të shënuar. 
Te Kolos Kovalivka, Arinaldo Rrapaj, u paraqit deri në minutën e 76-të dhe u zëvendësua me Ilir Krasniqin. Ndërsa Albin Krasniqi u la në stol. 
Metalist 1925 ka 14 pikë në vendin e dytë. 14 pikë i ka edhe Kolos Kovalivka në pozitën e katërt.