Bayerni ka fituar 10:0 ndaj skuadrës nga Zelanda e Re, Auckalnd City, në ndeshjen e dytë të Kupës së Botës për Klube.
Fitorja e gjigantit gjerman është pritur dhe rezultati i thellë për shumë njohës të futbollit nuk ishte befasi.
Aucklandi është ekip i përbërë nga lojtarë amatorë. Për shembull portieri Conor Tracey punon si mbikëqyrës në një depo të furnizimeve veterinare. Ai mbikëqyr shpërndarjen e produkteve farmaceutike, të ushqimit dhe të barnave të kontrolluara për veterinarët në të gjithë Zelandën e Re.
28-vjeçari i pësoi dhjetë gola nga yjet e ekipit gjerman, por po ashtu i bëri shtatë pritje.
Aucklandi merr pjesë në Botëror si kampion i Oqeanisë. Është ekipi i vetëm amator në Botërorin e klubeve dhe natyrisht ekipi më i vogël.
Amatorët e kësaj skuadre do të luajnë edhe me Boca Juniorsin dhe me Benfican. Tek Aucklandi ka edhe punonjës zyrash dhe përfaqësues të shitjes.
Lojtarët e Auckland Cityt ushtrojnë katër herë në javë, ndërsa nuk kanë paga të rregullta. Marrin 150 dollarë në javë në emër të shpenzimeve.
Edhe
400 mijë në javë, apo 66 në javë – dallimi i pabesueshëm mes Bayernit dhe Aucklandit
“Unë i shpenzoj të gjitha këto për benzinë”, ka thënë Tracey për ABC Sport.
Udhëtimi i tij nga vendi i punës për në fushën e stërvitjes shpesh zgjat dy orë, në vapën e pasditës në Auckland të Zelandës së Re.
Brenga e madhe e lojtarëe të Aucklandit ishte se si të marrin leje në vendin e punës për turneun katër-javor që po mbahet në SHBA. Tracey ka treguar se mezi mori ditë të lira në periudhën kur puna rritet.
