Drita i ka shpëtuar disfatës në Klinë ndaj Dukagjinit të shtunën me gol të Besnik Krasniqit në minutën e katërt të kohës shtesë.
Krasniqi në minutën e 94-t pranoi top në zonë dhe e plasoi bukur atë prapa shpinës së portierit kundërshtar.
Dhe me golin e Krasniqit, ndeshja Dukagjini – Drita u mbyll baras, 1:1.
I takoi xhiros së 16-të të Superligës së Kosovës në futboll dhe u zhvillua në stadiumin “13 Qershori”.
Për Dukagjinin në minutën e 53-të shënoi Dienit Isufi. Isufi realizoi me kokë dhe nuk iu gëzua golit pasi në të kaluarën ka qenë pjesë e Dritës.
Kur ndeshja po shkonte drejt fundit, në skenë u shfaq Krasniqi, mbrojtësi i krahut të djathtë, që e shpëtoi ekipin nga disfata.
Dukagjini ngjitet përkohësisht në pozitën e dytë me 27 pikë, një më shumë se Prishtina që aktualisht i ka dy ndeshje më pak të luajtura.
Drita bie në pozitën e pestë me 24 pikë. Edhe Drita e ka një ndeshje më pak të luajtur.
Dukagjini befason Dritën në Klinë
Dienit Isufi e ka kaluar në epërsi Dukagjinin ndaj kampiones në fuqi, Dritës.
Dienit Isufi ka shënuar gol me kokë në minutën e 53-të. Ai realizoi pas një veprimi shumë të mirë individual në zonë nga Iljasa Zulfiji. Sulmuesi i krahut harkoi në zonë dhe e gjeti Isufin, që me gjuajtje të saktë shënoi për 1:0. Ai nuk u gëzua pasi në të kaluarën ka qenë pjesë e skuadrës gjilanase.
Pa gola në pjesën e parë në Klinë
Ndeshja që po luhet në stadiumin “13 Qershori” në Klinë ndërmjet Dukagjinit dhe Dritës ka qenë e niveluar dhe rezultati pas pjesës së parë ishte 0:0.
Të dyja skuadrat patën disa gjysmëraste, por pa arritur të konkretizonin.
Ky ballafaqim i takon xhiros së 16-të të Superligës së Kosovës në futboll.