Superylli i futbollit brazilian, Neymar Junior, e ka shënuar golin e parë që nga kthimi te skuadra e Santosit.
Neymari realizoi gol dhe bëri asistim në fitoren e Santosit 3:1 ndaj Agua Santasit, të hënën në orët e hershme të mëngjesit.
33-vjeçari Neymar e realizoi golin e parë nga penalltia në minutën e 14-të, kurse asistimin e bëri te goli i tretë.
Ish-futbollisti i Paris Saint-Germainit dhe Barcelonës, Neymar, ishte shumë i lumtur me golin që e shënoi.
“Jam i lumtur që e shënova golin tim të parë që nga kthimi te Santosi. Unë kam stërvitur shumë. Santosi ka qenë një ndihmë e madhe, duke më hapur dyert për t’u rilidhur me futbollin. Nuk doja të nënshkruaja një kontratë të gjatë sepse nuk isha i sigurt se si do të kthehesha apo si do të ndihesha në muajt e ardhshëm”, është shprehur Neymar, shkruan të hënën “Footboom”.
Edhe
Neymari vazhdon kontratën me Santosin, me shpresë për të luajtur në Botëror
Neymari pjesë e Santosit do të jetë deri në përfundimin e këtij edicioni.
Te klubi brazilian u transferua në afatin kalimtar të janarit nga skuadra arabe, Al-Hilal.
