Legjenda e Bayern Munchenit, Thomas Muller, e ka zhvilluar ndeshjen e fundit në “Allianz Arena”.
Bayerni të shtunën mbrëma fitoi 2:0 ndaj Borussia Monchengladbachut. Kjo ndeshje i takoi javës së 33-të të Bundesligës. Bavarezët titullin e kampionit në Gjermani e siguruan xhiron e kaluar.
Harry Kane realizoi për 1:0 në minutën e 31-të. Golin e fundit e realizoi Michael Olise në minutën e 90-të.
Për Mullerin kjo ishte ndeshja e fundit e zhvilluar në “Allianz Arena” pasi muaj më parë e njoftoi largimin nga Bayerni në fund të edicionit pas 25 vjetëve të mbushura me trofe.
35-vjeçari Muller me Bayernin e ka fituar 13 herë titullin e kampionit.
Muller ka fituar gjithashtu dy tituj të Ligës së Kampionëve, gjashtë Kupa të Gjermanisë dhe dy Kupa të Botës për Klube me Bayernin.
Një xhiro para fundit, Bayerni e mban vendin e parë me 79 pikë.
Monchengladbachu është në mesin e tabelës me 45 pikë.
