Mesfushori i Real Madridit, Jude Bellingham, synon të kthehet në fushë në tetor, pas operimit në shpatull.
22-vjeçari do t’i nënshtrohet operimit të mërkurën në Londër.
Bellinghami, në fillim të muajit nëntor të vitit 2023 e lëndoi shpatullën në ndeshjen kundër Rayo Vallecanos, në të cilën Real Madridi barazoi pa gola. Por ai vazhdoi të luajë, ndonëse lëndimi e ka penguar.
Bellinghami luajti në secilën ndeshje të Realit në Kupën e Botës për Klube në SHBA. Reali u eliminua në gjysmëfinale nga Paris Saint-Germaini.
Arritja në katërshen e fundit të Botërorit të klubeve ka shtyrë operimin e yllit të Anglisë dhe Real Madridit.
Reali e luan ndaj Osasunas ndeshjen e parë të edicionit 2025/2026. Ndeshja luhet më 19 gusht.
