Matoshi arrin marrëveshje me Sturm Grazin

Futbollisti i Kosovës që luan te skuadra zvicerane, Thun, Valmir Matoshi, ka arritur marrëveshje personale me klubin nga Austria, Sturm Graz. 
Kështu ka shkruar të hënën “Blick”. 
Matoshi do të nënshkruajë kontratë katërvjeçare me klubin austriak. 
Negociatat mes Thunit dhe Sturm Grazit kanë avancuar dhe janë pranë finalizimit. 
Sturm Grazi do të paguaj 1 milionë euro për kartonin e mesfushorit me tipare ofensive. 
Matoshi, edicionin e kaluar me Thunin, e fitoi titullin e kampionit të Zvicrës. 
23-vjeçari në edicionin 2025/26 në 35 ndeshjet e zhvilluara shënoi gjashtë gola dhe bëri katër asistime. 
Matoshi është zhvilluar si futbollist te Thuni, kurse pjesë e skuadrës së parë është nga viti 2022. 
Matoshi me Përfaqësuesen e Kosovës ka dy paraqitje dhe një gol të shënuar.