Një gjykatë turke e dënoi presidentin e Fenerbahçes, Sadettin Saran, me dy vjet e gjysmë burgim për nxitje të basteve të paligjshme, disa ditë para se klubi turk të mbante kuvendin zgjedhor.
Vendimi i një gjykate të Stambollit tha se Saran dhe vëllai i tij, Kenan Saran, u dënuan me dy vjet e gjashtë muaj burgim për “nxitje të individëve për t’u angazhuar në baste të paligjshme përmes reklamave ose mjeteve të tjera të ndryshme”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSadettin Saran kishte mohuar çdo shkelje në mbrojtjen e tij në gjykatë, raportuan mediat lokale, shkruan “Reuters” të enjten.
Saran u ndalua për pak kohë nga autoritetet në fillim të këtij viti si pjesë e një hetimi të gjerë mbi përdorimin e drogës midis personazheve të famshëm turq, por më vonë u lirua. Ai më vonë njoftoi se do të tërhiqej nga pozicioni i tij dhe klubi në mars njoftoi se do të mbante një kuvend të jashtëzakonshëm më 6-7 qershor.
Autoritetet në Turqi kanë kryer hetime të gjera mbi dyshimet për kurdisje ndeshjes dhe bastvënie në ligat profesionale të futbollit të vendit.
Dhjetëra gjyqtarë u pezulluan nga Federata Turke e Futbollit, ndërsa disa komentatorë, zyrtarë dhe lojtarë, përfshirë edhe nga klube të nivelit të lartë, u ndaluan ose u arrestuan si pjesë e hetimit.
Ish-kryetari i Fenerbahçes, Aziz Yildirim, ka njoftuar kandidaturën e tij për të drejtuar klubin. Ai do të garojë kundër biznesmenit Hakan Safi.
Saran nuk do të garojë.