Ish-mesfushori i Real Madridit dhe i Përfaqësueses së Gjermanisë, Toni Kroos, po e shqyrton mundësinë për të nisur një karrierë të re në futboll, tani në zejën e trajnerit.
Sipas “Diario AS”, 36-vjeçari Kroos raportohet se e ka njoftuar Federatën e Futbollit të Spanjës për interesimin e tij për t’iu bashkuar kursit profesional të trajnerëve vitin e ardhshëm.
Përmes këtij procesi, ish-futbollisti gjerman synon të pajiset me licencën “A” të UEFA-s, e cila do t’i hapte mundësi për të drejtuar skuadra në nivele të ndryshme të futbollit, në përputhje me rregulloret përkatëse.
Kroos e përfundoi karrierën si futbollist pas Kampionatit Evropian të vitit 2024, duke lënë pas një karrierë të suksesshme, veçanërisht te Reali.