Bayerni po qëndron në Hong Kong në kuadër të përgatitjeve për edicionin e ardhshëm. Dhe njëra prej deklaratave të trajnerit Vincent Kompany është pritur me shumë interes.
Kompany për herë të parë ka folur për synimin e Bayernit për ta fituar Ligën e Kampionëve në edicionin e ardhshëm.
“Tani mund t’iu them atë që nuk do ta them më gjatë edicionit. Në këtë pikë, do të thosha që synimi ynë është ta fitojmë Ligën e Kampionëve. Ne duam ta fitojmë Ligën e Kampionëve, nuk ka dyshime për këtë”, ka thënë Kompany.
“Kicker” ka shkruar që është e logjikshme që Bayerni e synon Championsin. Por Kompany nuk e ka thënë asnjëherë këtë.
“Gjatë edicionit do t’u them që duhet të koncentrohemi në ndeshjen e ardhshme, pasi nuk mund ta fitosh Championsin në shtator apo tetor”, ka shtuar Kompany.
