La Gazzetta dello Sport – Ka një datë që mbetet në kujtesën e Edon Zhegrovës. 5 nëntor 2024, në ndeshjen e fazës së ligës të Ligës së Kampionëve Lille – Juventus, Zhegrova dominoi në krahun e djathtë të fushës. Ishte i pandalshëm dhe mbi të gjitha, dha asistim perfekt për Jonathan Davidin, që ia siguroi epërsinë Lillet.
Më pak se dy muaj më parë, qendërsulmuesi kanadez u largua nga klubi francez për t’iu bashkuar Juventusit si lojtar i lirë. David dhe Zhegrova mund të ribashkohen së shpejti. Zhegrova nuk mund t’i bashkohet si lojtar i lirë, pasi ka kontratë deri në verën e vitit 2026, por me një marrëveshje që Juventusi dhe Lille ende nuk e kanë arritur.
Edoni, tashmë ka arritur marrëveshje me Juventusin. Por nuk është e mjaftueshme.
Juventusi duhet t’i kalojë dy pengesa për transferimin e Zhegrovës. “Zonjës së Vjetër” i duhet ta shesë Nico Gonzalezin dhe të bindë Lillen ta ulë çmimin për Zhegrovën.
Nëse argjentinasi nuk largohet, “bardhezinjtë” nuk do të kenë nevojë për ndonjë lojtar tjetër.
Oferta e Atletico Madridit për Nico Gonzalezin
Kjo është arsyeja pse negociatat me Atleticon po ecin kaq shpejt, edhe pse ende ka shumë kohë për të shprehur për një marrëveshje.
Megjithatë, tregu i transferimeve shpesh ofron surpriza dhe Juventusi mbetet optimist, edhe pse koha në dispozicion po vjen duke u zvogëluar. Shkurt, Nico dhe Atletico kanë arritur tashmë një marrëveshje. Juventusi dhe klubi spanjoll kanë qenë në bisedime për ditë të tëra, por ende nuk ka një marrëveshje për çmimin. Golzalez vlerësohet nga drejtuesit e klubit rreth 30 milionë euro, një shumë që do të parandalonte një humbje të madhe financiare. Atletico po ofron 15 milionë euro. Por Juventusi nuk e ka ndërmend ta shesë me një çmim kaq të ulët. Lojtari nuk është i kënaqur me rolin e mbrojtësi të krahut. Trajneri Igor Tudor e ka vendosur si mbrojtës të krahut në formacionin 3-4-2-1.
Detajet e marrëveshjes së Juventusit me Zhegrovën
Zhegrova është një sulmues krahu si Gonzalez, por ai mund të luajë edhe si mesfushor-sulmues. Tudor e sheh atë prapa qendërsulmuesit, përkrah Kenan Yildiz.
Trajneri preferon të ketë një opsion shtesë në pozitën e mesfushorit-sulmues, duke e ditur se kosovari mund të përshtatet edhe në formacionin 3-4-3 dhe, nëse është e nevojshme të paraqitet në krahun e djathtë. Zhegrova ka edhe një vit kontratë të mbetur me Lille, por tashmë e ka njoftuar klubin se nuk dëshiron të mbetet edhe më gjatë. Për këtë arsye, ai u la jashtë klubit. Por tashmë qëndrimi i Olivier Letangut ka ndryshuar.
Presidenti i klubit francez dëshiron ta mbajë edhe për një vit, edhe duke e ditur se do t’i largohet falas, njësoj si David. Edoni, megjithatë, është i vendosur të largohet, dhe Juventusi do të ishte i kënaqur ta kishte në ekip.