Marrëdhënia e Juventusit dhe Edon Zhegrovës ka prekur fundin.
Sulmuesi i krahut është lënë jashtë listës së Juventusit për ndeshjet e fazës së ligës të Ligës së Evropës.
Ky vendim tregon qartë se Zhegrova nuk bën pjesë në planet e trajnerit Luciano Spalletti.
Trajneri Spalletti ka treguar pse e la Zhegrovën dhe lojtarët e tjerë jashtë listës për Ligën e Evropës.
“Është një garë e nivelit më të lartë. Dallimi vjen nga sa mund të rritesh dhe ta mbash atë nivel. Para pushimit ndërkombëtar do të luajmë nëntë ndeshje në 22 ditë. Do të na duhet ekuilibër dhe aftësia për të bërë rrotacione me 22 lojtarë ndërsa luajmë për kreun e tabelës në Serie A dhe në Ligën e Evropës. Nuk do të jetë e lehtë. Marrëveshja me UEFA-n nuk na lejon një skuadër shumë të madhe. Kemi kufizime që na detyruan të lëmë pesë lojtarë jashtë listës së UEFA-s, ishte një vendim që më mbajti zgjuar natën”, ka thënë Spalletti në konferencë të enjten.
Edhe
Zhegrova mund të transferohet në Arabinë Suadite
Siç raportohet nga mediumet e afërt me “Zonjën e Vjetër”, Zhegrova nuk është më pjesë e planeve të trajnerit toskan.
“Menaxhmenti i Juventusit shpreson që në ditët në vijim të vijnë oferta konkrete nga ato tregje që janë ende të hapura për transferime, veçanërisht Arabia Saudite, Turqia dhe Portugalia. ‘Zonja e Vjetër’ ka vendosur një vlerë prej 15 milionë eurosh, një shifër e nevojshme për të shmangur humbjet kapitale nga investimi i bërë. Nëse nuk arrihet asnjë marrëveshje përfundimtare ose e garantuar blerjeje para përfundimit të afatit të transferimeve ndërkombëtare, largimi i lojtarit të lindur në vitin 1999 do të shtyhet në mënyrë të pashmangshme deri në afatin e janarit. Deri atëherë, Zhegrova do të mbetet jashtë fushave, duke konfirmuar se aventura e tij në Torino tani po i afrohet fundit”, ka shkruar “Juventus Neës 24” të enjten.
Për situatën e Zhegrovës ka shkruar edhe “Tutto Juve”.
Në shkrim bëhet e ditur se Juventusi do të kënaqej nëse ndonjë klub pranon ta marrë Zhegrovën në huazim me mundësi blerjeje.
“Një ofertë huazimi, me pagën e plotë të paguar dhe përfshirjen e detyrimit për ta blerë, do të mirëpritej nga Juventusi, pavarësisht interesimit të tyre për një shitje të përhershme. Turqia, Arabia Saudite, Portugalia dhe Greqia janë tregjet që mund të sjellin lajme mbi të ardhmen e Zhegrovës, aktualisht i tepërt te Juventusi”, shkruan mediumi tjetër italian i afërt me klubin e Juventusit.
Për futbollistin e Kosovës interesim ka shprehur skuadra saudite Al-Ittihad. Por ende nuk është raportuar për ofertë konkrete nga klubi i Arabisë Saudite. Afati kalimtar në Arabinë Saudite përfundon më 6 shtator.
Zhegrova 27-vjeçar iu bashkua Juventusit vitin e kaluar nga skuadra franceze, Lille për 15.5 milionë euro.
Zhegrova nuk pati shumë hapësirë te Juve në edicionin e kaluar.
Edhe
Asnjë ofertë konkrete për Zhegrovën
Këtë edicion, sulmuesi i krahut ka luajtur vetëm 21 minuta. Ai mbeti jashtë ekipit të Juventusit për ndeshjen e fundit ndaj Parmas në Serie A. Ka raportime se Zhegrova po kalon një fazë të rikuperimit të një lëndimi.
Kontrata me Juventusin i skadon në verën e vitit 2030.
