Drilon Hazrollaj ka shënuar gol sërish për skuadrën e Rapidit të Bukureshtit.
Hazrollaj e shënoi një gol në fitoren 3:0 të Rapid Bukureshtit në ndeshjen miqësore të zhvilluar ndaj skuadrës Aluminij nga Sllovenia.
Kjo ishte ndeshja e tretë miqësore e zhvilluar e Rapidit gjatë këtij muaji.
Hazrollaj realizoi për 2:0 në minutën e 32-të. 21-vjeçari Hazrollaj shënoi gol edhe në ndeshjen e parë miqësore ndaj Buduqnostit të Malit të Zi që u zhvillua të shtunën e kaluar. Rapidi ndeshjet miqësore po i luan në Sllovaki.
Hazrollaj te Rapidi u transferua nga Malisheva për 900 mijë euro.
Ai me klubin rumun ka nënshkruar kontratë deri në fund të edicionit 2027/2028
