Dekadës së Berat Gjimshitit tek Atalanta po i vjen fundi.
Kapiteni i Kombëtares së Shqipërisë do të transferohet nga skuadra italiane tek ajo e Arabisë Saudite, Al Diraiyah.
Atalanta ka dashur ta mbajë 33-vjeçarin edhe një vit, por ka respektuar dëshirën e Gjimshitit për transferim në Arabi Saudite. Sipas mediave italiane, transferimi i Gjimshitit bëhet për 3 milionë euro.
Gjimshiti i është bashkuar Atalantas në vitin 2016. Ka pasur periudha huazimi tek Avellino dhe Benevento, ndërsa për Atalantan luan rregullisht nga viti 2018. Për këtë skuadër i ka luajtur 334 ndeshje. I ka edhe 135 ndeshje me Zurichun.
Mbrojtësi i qendrës me Atalantan e fitoi Ligën e Evropës në vitin 2024.
Me skuadrën arabe, Gjimshiti do të firmosë për dy vjet.
