Futboll

Gjilani fiton bindshëm derbin ndaj Prishtinës

Gjilani

Përditësim, 18:36 - Skuadra e Gjilanit ka qenë bindëse ndaj Prishtinës në ndeshjen derbi të Superligës së Kosovës në futboll.

Gjilani mposhti Prishtinën në derbin e javës së tretë të elitës së futbollit kosovar me rezultat 3:1.
Ky takim u zhvillua në fushën me bari sintetik në Gjilan, ndërsa për skaudrën e drejtuar nga trajneri Ardian Nuhiu ishte fitorja e parë këtë edicion.

Edi Basha hapi serinë e golave për Gjilanin. Ai shënoi herët në minutën e katërt golin për 1:0. 
Golin e dytë e shënoi Senad Jaroviq nga penalltia në minutën e 11-të, kurse Prishtina në pjesënë e dytë ngushtoi epërsinë e Gjilanit në 2:1. 

Golin për 2:1 e shënoi Blend Baftiu në minutën e 65-të.
Megjithatë, në minutën e 91-të, fitoren bindëse të Gjilanit e vulosi kapiteni Armend Thaqi. 
Gjilani ka katër pikë nga tri ndeshje, kurse Prishtina mbetet në vendin e parë me gjashtë pikë, sa kanë edhe Dukagjini dhe Ferizaj.
 


Prishtina e pëson edhe golin e tretë

Përditësim, 18:25 - Kapiten i Gjilanit, Armend Thaqi, ka shënuar gol ndaj ish-skuadrës së tij, Prishtinës. Ai shënoi golin e tretë ndaj Prishtinës. Golin për 3:1 e shënoi në minutën e 91-të.


Prishtina ngushton rezultatin

Përditësim, 17:59 - Prishtina e ka ngushtuar rezultatin në 2:1 ndaj Gjilanit me golin që e realizoi Blend Baftiu në minutën e 66-të.


Prishtina po mposhtet 2:0 në Gjilan

Përditësim, 17:24 - Skuadra e Gjilanit po udhëheq 2:0 ndaj Prishtinës pas pjesës së parë. 
Golin e parë e shënoi Edi Basha në minutën e gjashtë. Për 2:0 realizoi Senad Jaroviq pesë minuta më pas. 
Kjo ndeshje i takon xhiros së tretë të Superligës së Kosovës në futboll.

Rezultati te ndeshjet Drenica - Prishtina e Re është 0:0. Pa gola është mbyllur edhe pjesa e parë e ndeshjes Malisheva - Dukagjini. 


Gjilani e dyfishon rezultatin

Gjilani e ka dyfishuar rezultatin ndaj Prishtinës. Nga penalltia ishte i saktë Senad Jaroviq në minutën e dhjetë për 2:0.
Golin e parë e realizoi Edi Basha në minutën e gjashtë.


Gjilani në epërsi ndaj Prishtinës

Edi Basha e ka kaluar në epërsi Gjilanin ndaj Prishtinës. Ai për 1:0 realizoi në minutën e katërt. 
Kjo ndeshje i takon xhiros së tretë të Superligës së Kosovës në futboll.