Edu Gaspar është duke e menduar largimin nga posti i drejtorit sportiv tek Arsenali, raporton të hënën “Sky Sports”. Gaspar më 9 korrik të vitit 2019 ishte emëruar drejtor teknik i klubit anglez, ndërsa më 18 nëntor të vitit 2022, drejtor sportiv.
Mësohet se në ambientet e skuadrës së Arsenalit janë të dëshpëruar për vendimin të cilin Gasper pritet ta marr shumë shpejtë.
Braziliani Gaspar luajti rol të rëndësishëm në transferimin e disa futbollistëve tek Arsenali si Martin Odegaard, Declan Rice, William Saliba dhe Kai Havertz.
46-vjeçari Gaspar ka luajtur edhe si futbollist tek Arsenali nga viti 2002 deri në vitin 2005. Me Arsenalin si futbollist i fitoi edhe gjashtë trofe.
