Galatasaray nuk ka gabuar as në xhiron e 17-të të elitës së futbollit të Turqisë.
Skuadra e madhe turke fitoi 3:0 të dielën mbrëma ndaj Kasimpashas dhe ka mbajtur distancën me Fenerbahçen e vendit të dytë.
Yunus Akgun në pjesën e parë dhe Gabriel Sara e Mauro Icardi në pjesën e dytë, i shënuan golat e fitores për vendësit.
Me fitore, Galatasaray tani i ka 42 pikë, tri më shumë se Fenerbahçe.
Kasimpasha mbetet në vendin e 14-të me 15 pikë.
Goztepe ndërkohë fitoi 2:0 ndaj Samsunsporit, me dy golat e sulmuesit Arda Kurtulan. Ish-sulmuesi i Shqipërisë U21 i shënoi të dy golat, në minutën e 23-të dhe të 68-të. Në këtë edicion, ai e ka edhe një asistim.
Goztepe është i katërti me 32 pikë.