Përzgjedhësi i Francës, Didier Deschamps, nuk do të mund të llogarisë në shërbimet e sulmuesit të Interit, Marcus Thuram, për dy ndeshjet e këtij muaji.
“Reuters” ka raportuar të martën se Thuram e ka lënduar kyçin e këmbës së djathtë dhe do të kthehet tek Interi për t’i vazhduar testet mjekësore.
Thuram është futbollist shumë i rëndësishëm për Përfaqësuesen e Francës.
Franca do t’i zhvillojë dy ndeshje ndaj Kroacisë që janë të vlefshme për çerekfinalen e Ligës së Kombeve.
Të enjten nga ora 20:45, Franca do të luajë në Split, kurse në Paris ndeshja luhet më 23 mars.
Edhe
Thurami do të operohet, do të mungojë gjatë
Trajneri i Interit, Simone Inzaghi, më herët kishte paralajmëruar se Thuram po përballet me një lëndim.
27-vjeçari në 38 ndeshjet e këtij edicioni ka shënuar 16 gola dhe ka bërë katër asistime.
