Futbollisti i Chelseat, Mykhailo Mudryk ia ka siguruar Ukrainës pikët e para në këtë edicion të Ligës së Kombeve.
Të premten mbrëma në Poznan të Polonisë, Ukraina fitoi 1:0 ndaj Gjeorgjisë.
Ndeshja i takoi xhiros së tretë të grupit B1.
Ukraina në shtator ishte mposhtur nga Shqipëria dhe Çekia. Pikët tjera i kërkon të hënën në ndeshjen ndaj Çekisë.
Gjeorgjia e ka pësuar humbjen e parë. Mbetet në krye të grupit me gjashtë pikë, sa i ka tani edhe Çekia. Shqipëria e Ukraina i kanë nga tri pikë.
