Shqipëria do ta nis në udhëtim te Ukraina edicionin e katërt të Ligës së Kombeve.
Ndeshja mes Ukrainës dhe Shqipërisë do të zhvillohet më 7 shtator.
Shqipëria do të jetë pjesë e Grupit 1 të Ligës B, ndërsa në verë do të jetë pjesëmarrëse në Kampionatin Evropian që organizohet në Gjermani.
Në Grupin B1 janë edhe Republika e Çekisë dhe Gjeorgjia.
“Kuqezinjtë” zunë vendin e parë në Grupin E kualifikues të Evropianit me 15 pikë, aq sa kishte edhe Republika e Çekisë.
Edhe
Mësohet vendi se ku do të luhet ndeshja Izrael - Kosovë
Në “Euro 2024” do të jetë në Grupin B me Italinë, Kroacinë dhe Spanjën.
Pas Evropianit, Shqipëria do të vazhdojë në Ligën e Kombeve.
Pas ndeshjes me Ukrainën, më 10 shtator, Shqipëria e pret Gjeorgjinë.
Në muajin tetor, futbollistët e drejtuar nga braziliani Sylvinho, do t’i kenë dy ndeshje në udhëtim, te Çekia më 11 tetor, dhe te Gjeorgjia tri ditë më pas.
Edicionin e katërt të Ligës së Kombeve, “kuqezinjtë” e mbyllin në shtëpi.
Më 16 nëntor përballen me çekët, ndërsa më 19 nëntor me ukrainasit.
Edhe
Kosova luan në Vjenë ndaj Austrisë
Ndaj Çekisë, Shqipëria pati dy ndeshje kualifikuese për “Euro 2024”.
Në Çeki barazoi 1:1, ndërsa në Tiranë fitoi 3:0.
