Elvis Rexhbeçaj me Augsburgun të shtunën mbrëma janë mposhtur nga Bayern Muncheni në shtëpi në kuadër të javës së dytë të Bundesligës gjermane.
Bayerni me vështirësi fitoi 3:2.
Serge Gnabry i kaloi në epërsi mysafirët në minutën e 28-të. Në minutën e katërt shtesë të pjesës së parë, Luis Diaz, shënoi për 2:0 në të mirë të bavarezëve.
Michael Olise shënoi për 3:0 në minutën e 48-të.
Pesë minuta më pas, Kristijan Jakiq e ngushtoi rezultatin në 3:1.
Golin e fundit për Augsburgun e realizoi Mert Komur në minutën e 76-të.
Ai shënoi për 3:2 por që në fundi goli i tij nuk mjaftoi që t’ia rrezikonte fitoren Bayernit.
Mesfushori i Kosovës, Rexhbeçaj, në lojë u inkuadrua nga minuta e 39-të.
Ai e zëvendësoi Marius Wolfin i cili u lëndua.
Bayerni e fitoi edhe ndeshjen hapëse të sezonit të ri duke e mposhtur RB Leipzigun me rezultatin e thellë 6:0.
Ndërkohë edhe Augsburgu në xhiron e parë fitoi 3:1 ndaj Freiburgut.