Real Madridi e ka nisur me fitore mbrojtjen e titullit në Ligën e Kampionëve. Të martën mbrëma në “Santiago Bernabeu”, Madridi fitoi 3:1 ndaj Stuttgartit.
Ndeshja i takoi xhiros së parë të fazës së ligës së Championsit.
Prej këtij edicioni Liga e Kampionëve zhvillohet me format tjetër. Faza grupore është zëvendësuar me fazën e ligës, ku paraqiten 36 skuadra.
Formati është i ri, por Real Madridi është i “vjetri”.
Fitorja ndaj Stuttgartit u arrit në minutat e fundit. Mjeshtri kroat, Luka Modriq krosoi nga këndi në minutën e 83-të, ndërsa Antonio Ruediger goditi saktë me kokë për 2:1. Modriqi bëri asistimin pak pas aktivizimit.
Fare në fund, në minutën e 95-të, supertalenti Endrick shënoi për 3:1. Ai debutoi me gol në Champions për Real Madridin.
Kylian Mbappe e shënoi golin e parë për Madridin në minutën e 46-të. Edhe për Mbappen ishte ndeshja e parë në Champions për Real Madridin.
Skuadra gjermane barazoi në 1:1 në minutën e 68-të, kur realizoi Deniz Undav.
Ndeshja ishte shumë e fortë dhe me shumë raste. Stuttgarti shfaqi mentalitet gjerman, duke mos u dorëzuar deri në fund. Por cilësia e madrilenëve bëri dallimin në fazën e fundit të ndeshjes.
Reali kështu i fitoi tri pikët e para në edicionin 2024/2025 të Championsit.
Real Madridi sërish në epërsi
Real Madridi ka kthyer epërsinë ndaj Stuttgartit.
Për 2:1 shënoi Antonio Ruediger në minutën e 83-të. Ai realizoi pas krosimit të Luka Modriqit.
RUDIGER GOAL AGAINST HIS OLD CLUB, WHAT A CROSS MODRIC pic.twitter.com/qKxxNVwwXD
— WolfRMFC (@WolfRMFC) September 17, 2024
Barazon Stuttgarti
Stuttgarti ka barazuar në 1:1 rezultatin në ndeshjen ndaj Real Madridit.
Deniz Undav realizoi në minutën e 68-të.
VIDEO:
1-1 Stuttgart.
UNDAV HAS EQUALIZED VS REAL MADRID !!!!!!!!!!!!!!!!!!!!!!!!!!!!! SHOCK AT THE BERNABEU !!!!!!!!!!!!!!!!!!!!!!!!!!!pic.twitter.com/hXvNiFjJmm— Football Report (@FootballReprt) September 17, 2024
Mbappe fillon furishëm, Madridi në epërsi
Kylian Mbappe ka shënuar gol në ndeshjen e parë me Real Madridin në Champions.
Superylli francez kaloi në epërsi Madridin ndaj Stuttgartit me golin e minutës së 46-të.
Lojë e zjarrtë por pa gola në “Bernabeu”
Real Madridi dhe Stuttgarti po luajnë ndeshje shumë interesante në “Bernabeu”. Megjithatë pas pjesës së parë rezultati është 0:0.
Janë krijuar shumë raste shënimi, por që nuk janë konkretizuar. Për Madridin u dha një penallti, që u anulua pas rishikimit të VAR-it.
Ndeshja i takon xhiros së parë të fazës së ligës në Ligën e Kampionëve.
Madridi është kampion në fuqi.
