Sulmuesi 18-vjeçar, Labinot Bajrami, ka debutuar të dielën në Superligën e Zvicrës në futboll.
Bajrami luajti nga minuta e 64-t për Zuerichun, që fitoi 3:1 në udhëtim ndaj Winterthurit. Ndeshja i takoi xhiros së 35-të të Superligës zvicerane, përkatësisht grupit ku luftohet për titull.
Ditë më parë Bajrami, që vlerësohet prej talenteve më të mëdha në Zvicër, firmosi kontratë të re me Zuerichun, të vlefshme deri në vitin 2028. Dhe menjëherë erdhi debutimi. Deri më tani Bajrami i ka 26 paraqitje për ekipet përfaqësuese të Zvicrës.
Edhe
Zuerichu merr tjetër vendim për Labinot Bajramin
Këtë edicion ka shpërthyer me gola në ekipin e dytë të Zuerichut.
Të dielën për Zuerichun startuan Bledian Krasniqi e Mirlind Kryeziu. Granit Lekaj ishte kapiten te Winterthuri.
Edhe
Bajrami ka dy opsione te Zuerichu
Zuerichu është i pesti me 51 pikë, ndërsa Winterthuri i gjashti me 49.
