Veton Berisha ishte protagonist të dielën në fitoren e skuadrës së Vikingut.
Berisha shkëlqeu duke i realizuar dy gola.
Vikingu fitoi 2:1 ndaj Rosenborgut në ndeshjen që i takoi xhiros së 20-të të elitës së futbollit norvegjez.
Berisha golin e parë e shënoi në minutën e 39-të kurse të dytin në minutën e 56-të. Ai luajti deri në minutën e 83-të.
31-vjeçari Berisha u kthye te Vikingu në këtë afat kalimtar pasi me marrëveshje të dyanshme e shkëputi kontratën me Molden.
Ai te Vikingu ka luajtur edhe për dy periudha të ndryshme. Fillimisht luajti nga viti 2011 deri në vitin 2015. Më pas me Vikingun u paraqit edhe nga viti 2020 deri në vitin 2022.