Pas dy fitoreve të njëpasnjëshme në Bundesligë, Dortmundi është ndalur në barazim të dielën në udhëtim te Freiburgu.
Ndeshja Freiburg – Dortmund u mbyll 1:1 dhe i takoi xhiros së 14-të të elitës së futbollit gjerman.
Ramy Bensebaini shënoi në minutën e 31-të, ndërsa prej minutës së 53-të, “verdhezinjtë” luajtën me një futbollist më pak në fushë. Me karton direkt të kuq u përjashtua Jobe Bellingham, vëllai i Jude Bellinghamit të Real Madridit.
Epërsinë numerike të lojtarëve e shfrytëzuan vendësit që barazuan shifrat me golin e Lucas Holerit në minutën e 75-të.
Tre minuta para fundit, Freiburgut pas rishikimit të situatës në VAR, iu anulua një gol për pozitë jashtë loje.
Edhe
Dortmundi e mbyll kampionatin në vendin e dytë
Dortmundi në vendin e tretë ka 29 pikë, sa i ka edhe Leipzigu në vendin e dytë.
Freiburgu ka 17 pikë në mesin e tabelës.
