Manchester Cityt i ka mjaftuar goli i shënuar nga mesfushori belg, Kevin De Bruyne, për ta mposhtur Wolverhamptonin.
City të premten mbrëma e mposhti Wolverhamptonin me rezultatin 1:0.
Për skuadrën e Pep Guardiolas kjo ishte fitorja e pestë rresht në të gjitha garat.
Kjo ndeshje i takoi javës së 35-të të Premier Leagues.
Golin e fitores për vendësit e realizoi De Bruyne në minutën e 35-të. Ai u asistua nga Jeremy Doku.
Me këtë fitore, City, është ngritur në pozitën e tretë me 64 pikë.
Dy pikë më pak i ka Newcastle Unitedi në vendin e katërt por e ka edhe një ndeshje më pak të zhvilluar.
Wolverhamptoni ka 41 pikë dhe renditet në pozitën e 13-të.
