Uran Bislimi e Ezgjan Alioski me Luganon e kanë fituar duelin ndaj Grasshoppersit të Amir Abrashit e Samuel Krasniqit.
Bislimi e Alioski e kompletuan ndeshjen te Lugano që fitoi 4:1 të dielën në udhëtim.
Ndeshja ndërmjet Grasshoppersit dhe Luganos i takoi xhiros së dytë të Superligës së Zvicrës.
Ndërkohë te Grasshoppersi ndeshjen e kompletoi Krasniqi, kurse Abrashi luajti deri në minutën e 75-të.
Dy gola për Luganon i realizoi Yanis Cimignani, ndërsa nga një gol shënuan Dereck Moncada dhe Elias Pihlstrom.
Golin e vetëm për Grasshoppersin e shënoi Luke Plange.
