Mërgim Berisha është transferuar te skuadra Kaiserslautern, që bënë gara në kategorinë e dytë të futbollit gjerman.
Berisha te Kaiserslauterni u transferua nga klubi tjetër gjerman që është pjesë e elitës, Hoffenheim.
Sulmuesi i qendrës nuk u grumbullua asnjëherë me Hoffenheimin këtë edicion. Ai nuk bënte pjesë në planet e Hoffenheimit.
“Jam shumë mirënjohës ndaj Kaiserslauternit që më dha mundësinë të provoj veten në një klub ambicioz në një mjedis shumë tërheqës” u shpreh Berisha për faqen zyrtare të Kaiserslauternit.
27-vjeçari më herët ka luajtur edhe në skuadra si LASK, Salzburg, Altach, Liefering, Fenerbahçe e Augsburg.