Bayern Muncheni e ka zyrtarizuar vazhdimin e kontratës me portierin Manuel Neuer.
Neuer do të jetë pjesë e Bayernit deri më 30 qershor të vitit të ardhshëm.
40-vjeçari Neuer është ikonë e klubit të madh gjerman.
Neuer është pjesë e Bayernit që nga viti 2011. Së fundi ka fituar edhe titullin e kampionit të Gjermanisë. Ka edhe shumë trofe të tjerë të fituar.
“Mendova mjaftueshëm para se ta merrja vendimin dhe tani jam shumë i lumtur. Në ekipin tonë të portierëve qëndrojmë së bashku dhe përpiqemi të vazhdojmë të ngremë nivelin, duke shtyrë vazhdimisht njëri-tjetrin dhe duke u përgatitur sa më mirë të jetë e mundur për ndeshje”, u shpreh portieri shtatlartë pas vazhdimit të kontratës.
Edhe
Neueri do ta vazhdojë kontratën me Bayernin
Bayerni pos Neuerit ia ka vazhduar kontratën edhe portierit Sven Ulreich. Ulreich, njësoj si Neueri, ka nënshkruar kontratë të re edhe për një edicion tjetër.
“Jam jashtëzakonisht i lumtur. Ndihem shumë mirë, ende kam pasion të madh për futbollin dhe tashmë jam lidhur shumë me Bayernin. Kemi një skuadër fantastike dhe një staf trajnerësh të mrekullueshëm, ndaj është kënaqësi të punosh çdo ditë, veçanërisht me grupin e portierëve”, ka thënë 37-vjeçari Ulreich.
