Emri Kvaratskhelia është tashmë i njohur në gjithë Evropën falë sukseseve të Kvichas me Napolin dhe PSG-në. Por një tjetër yll nga e njëjta familje po fillon të dalë në pah.
Bayerni thuhet se ka shprehur interesim për Tornike Kvaratskhelia, vëllain e vogël 16-vjeçar të yllit të Gjeorgjisë, shkruan “Goal”.
Talenti gjeorgjian u grumbullua në skuadrën e parë të Dinamo Tbilisit për herë të parë në ndeshjen kundër Dinamo Batumit e cila përfundoi baras 2:2.
Menjëherë pas përfundimit të asaj ndeshjeje, 16-vjeçari ka udhëtuar për në Gjermani, për të parë vëllain e tij të madh në ndeshjen e dytë gjysmëfinale të Ligës së Kampionëve Bayern – PSG.
