Aston Villa ka fituar 3:1 ndaj Brentfordit për ta kaluar këtë skuadër në tabelë.
Villa tani i ka 22 pikë në pozitën e shtatë të tabelës së Premier Leagues. Brentfordi renditet i nënti me 20 pikë. Me fitore në ndeshjen e xhiros së 14-të, Aston Villa ka përparuar për disa pozita në tabelë.
Në ndeshjen e së mërkurës mbrëma, Villa kaloi në epërsi 1:0 në minutën e 21-të kur shënoi Morgan Rogers. Ollie Watkins realizoi penallti për 2:0 në minutën e 28-të, ndërsa Matty Cash shënoi golin e tretë në minutën e 34-t.
Brentfordi shënoi golin e vetëm në minutën e 54-t, kur realizoi Mikkel Damsgaard.
