Sulmuesi Ardit Tahiri e ka shënuar golin e dytë këtë edicion në Premier Leaguen e Ukrainës.
Tahiri luan për Kolos Kovalivkan që pësoi disfatë nga Shakhtar Donetski në udhëtim me rezultatin 2:1.
Ndeshja e zhvilluar të shtunën mbrëma i takoi javës së nëntë.
Sulmuesi kosovar, Tahiri, golin e vetëm për Kolos Kovalivkan e shënoi në minutën e 84-t. Por goli i tij nuk mjaftoi që Kolosi të sigurojë pikë.
Ai në lojë u inkuadrua në minutën e 70-të.
24-vjeçari Tahiri e ka një gol të shënuar edhe në Kupë të Ukrainës.