Gazetari turk, Jagiz Sabunkuglu, ka bërë të ditur se futbollisti i Goztepes, Arda Okan Kurtulan, e ka refuzuar ftesën e Shqipërisë për ndeshjet e këtij muaji.
Ai ka shkruar të mërkurën se, Kurtulan, është duke pritur ftesë nga Turqia.
“Arda Okan Kurtulan i Goztepes mori një ftesë nga kombëtarja shqiptare. Megjithatë, lojtari e refuzoi ofertën sepse do të konsiderohej ‘i huaj’ në Superligë dhe po pret një ftesë të mundshme nga Turqia”, shkruan Sabunkuglu.
Kurtulan u lind në Stamboll, ndërsa ka 11 ndeshje me ekipin U21 të Shqipërisë. Më herët ka luajtur edhe për Shpresat e Maqedonisë së Veriut.