Ylli i dikurshëm i Barcelonës dhe Spanjës, Andres Iniesta, ka vendosur t’i jap fund karrierës në futboll.
40-vjeçari është pa ekip prej se u largua në verë nga Emirates Club i Emirateve të Bashkuara Arabe, pasi i përfundoi kontrata.
Sipas “Relevo”, mesfushori ikonik do ta shpall vendimin javën e ardhshme.
Iniesta, që shënoi golin e fitores për Spanjën në finalen e Kupës së Botës të vitit 2010 ndaj Holandës, postoi një video duke vizatuar në një mural të tij. Dhe shkroi: “Së shpejti. 8, 10, 24”.
Është dita kur pritet të shpall pensionimin nga futbolli. Numri 8 paraqet numrin e fanellës së tij.
Edhe
Pensionohet Iniesta
Iniesta debutoi në vitin 2002, pasi kaloi akademinë e famshme të Barcelonës, La Masia.
Ai i kaloi 16 vjet të shkëlqyera te Barcelona, duke luajtur në 674 ndeshje dhe duke kontribuuar me 57 gola e 135 asistime.
Iniesta i fitoi 32 trofe me Barcelonën. Vetëm Lionel Messi ka më shumë – 35.
Iniesta e ka fituar katër herë Ligën e Kampionëve, nëntë herë La Ligan, gjashtë herë Kupën e Mbretit dhe tri herë Botërorin e klubeve.
Ai ishte pjesë kyqe e mesfushës më ikonike në histori, që përbëhej edhe nga Sergio Busquets dhe Xavi. Ishte pjesë e ekipit të papërsëritshëm të Barcelonës që fitoi tre trofetë e mëdhenj nën urdhrat e Pep Guardiolas, në vitet 2009 e 2011.
Iniesta kishte suksese të mëdha edhe me Spanjën. Ka luajtur 131 ndeshje dhe ka realizuar 13 gola.
Edhe
Iniesta fillon karrierën si trajner në klub të kategorisë së dytë të Emirateve
E fitoi Evropianin 2008, Kupën e Botës 2010 dhe Evropianin 2012.
Pasi u largua nga Barcelona në vitin 2018, Iniesta luajti pesë vjet në Japoni te Vissel Kobe. E fitoi titullin e kampionit dhe kupën e Japonisë. Në edicionin e kaluar në Emiratet e Bashkuara Arabe i shënoi pesë gola në 20 paraqitje.
