Grasshopperi e fitoi 4:0 ndaj Aaraut ndeshjen e parë të plejautit të Superligës së Zvicrës në futboll. Amir Abrashi e udhëhoqi si kapiten skuadrën e Grasshopperit në fushë.
Në pjesën e parë iu afrua golit, ndërsa në të dytën shprehu dëshirë që të gjuajë nga pika e bardhë.
Por kjo nuk iu mundësua. Ai nuk është në listën e lojtarëve që gjuajnë penalltitë dhe për këtë përgjegjësinë e mori dikush tjetër. Kështu luftëtari i mesfushës mbeti pa gol të shënuar në 39 ndeshjet e këtij edicioni në Zvicër.
“Po, kam dashur ta gjuaj penalltinë. Por nuk jam në listë dhe është dashur të tërhiqem”, ka thënë Abrashi.
Trajneri Tomas Oral po ashtu ka thënë se dihet qartë se kush i gjuan penalltitë.
Jo Abrashi. Ndeshja e dytë është të premten, ndërsa Grasshopperi nuk pritet të ketë telashe për të siguruar mbetjen në Superligën e Zvicrës.
