2 Korriku U19 shënoi fitore ndaj Hibernianit të mërkurën në ndeshjen kthyese të raundit të dytë kualifikues të “UEFA Youth League”, po të rinjve të skuadrës prishtinase nuk i ka mjaftuar.
“Verdhekaltrit” e mposhtën skuadrën skoceze 1:0 në ndeshjen që u zhvillua në stadiumin “Zahir Pajaziti” në Podujevë.
Por, në raundin tjetër të garës avancon Hiberniani pas fitores 4:0 në ndeshjen e parë në Edinburgh më 22 tetor.
Golin e vetëm në ndeshje e shënoi mesfushori Omer Shala, në minutën e tretë.
Në edicionin e kaluar, 2 Korriku i kaloi dy raundet e para kualifikuese të “UEFA Youth League”, pasi e eliminoi Bylisin e Shqipërisë dhe UCD-në e Irlandës.
Por u ndal nga Dynami Kyivi i Ukrainës.
Në Ligën e Kampionëve për të rinj, 2 Korriku u kualifikua si kampion i Kosovës.