Bota e futbolli po pret të zbulojë se për sa kohë superylli i Francës, Kylian Mbappe, do të jetë jashtë Kampionatit Evropian pas thyerjes së hundës. Diagnoza është mjaft inkurajuese nga dy shokët e tij të skuadrës.
“Një hundë e thyer nuk është fundi i botës”, tha mesfushori Adrien Rabiot të mërkurën në konferencën e mbajtur në Paderborn, ku Franca po zhvillon përgatitjet. “Dhe Mbappe duhet të jetë me ne shumë shpejtë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoWilliam Saliba tha se sulmuesi i ri i Real Madridit po ndihet pak më mirë përpara se t’u nënshtrohej më shumë testeve për lëndimin e hundës të pësuar në ndeshjen hapëse të Grupit D të Francës kundë Austrisë. Franca e fitoi 1:0 ndeshjen.
“E pashë këtë mëngjes, ai ishte pak më mirë”, tha Saliba.
Mbappe theu hundën kur u përplas me shpatullën e mbrojtësit të Austrisë, Kevin Danso. Ai duhet të mbajë një maskë për fytyrë, u tha në njoftimin e Federatës së Futbollit të Francës.
Franca e luan të premten ndeshjen e radhës. Përballë e ka Holandën. Ende nuk ka konfirmim zyrtar nëse Mbappe do të jetë në dispozicion.