Përfaqësuesja e Anglisë do të takohet me Ukrainën në çerekfinale të Kampionatit Evropian.
Ky takim do të zhvillohet në Romë në stadiumin “Olimpico”.
Tifozët anglezë nuk kanë arritur të udhëtojnë në mënyrë të organizuar për të parë takimin pasi shteti italian ka kërkuar që të izolohen shkaku i COVID-19.
Mirëpo “Tre Luanët” do të kenë mbështetjen nga tifozët anglezë të cilët nuk jetojnë në Britaninë e Madhe.
Mediat angleze kanë bërë të ditur se tifozët që jetojnë në shtetet e tjera kanë udhëtuar drejt Romës, për të përkrahur nga afër Anglinë.
Ndeshja Angli – Ukrainë, nis nga ora 21:00.
