Pamja e lojtarëve të Kepit të Gjelbër të mbledhur rreth një telefoni celular ndërsa shikonin sekondat e fundit të fitores së Spanjës ndaj Uruguait përpara se të shpërthenin në festime, ishte lloji i momentit që FIFA kishte shpresuar të shihte në Kupën e Botës së zgjeruar.
Apo edhe gëzimi në tribunat e stadiumit në Houston, ku tifozët e Kepit të Gjelbër brohoritën, kërcyen dhe kënduan kur vendi i vogël ishullor siguroi fazën nokaut të Botërorit në SHBA, Kanada e Meksikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKepi i Gjelbër i ka vetëm 500 mijë banorë, ndërsa në 1/16 e finales së Botërorit do të përballet me kampionen në fuqi, Argjentinën, më 3 korrik në Miami.
Kepi i Gjelbër barazoi pa gola me Arabinë Saudite dhe u rendit i dyti në Grupin H. Trajneri i përfaqësueses afrikane, Bubista, kishte thënë se Kupa e Botës është për të gjitha vendet jo vetëm për “elitën e lojës”.
Historitë e fituesve që ngrenë trofeun janë emocionuese, por njëjtë janë edhe tregimet e ekipeve që luftojnë përtej madhështisë së tyre dhe kapërcejnë vështirësitë për të garuar. Futbollin e bëjnë interesant edhe ekipet e vogla që suksesin e arrijnë me shpirt luftarak.
“Sinqerisht është çmenduri. Ndihem sikur jam në një ëndërr”, tha mesfushori i Kepit të Gjelbër, Deroy Duarte.
“Që kur isha fëmijë, gjithnjë kam ëndërruar të luaj në një Kupë Bote. Të jesh lojtar i ndeshjes dhe të bësh histori është diçka që nuk mund ta kisha imagjinuar kurrë”, ka shtuar ai.
Ka pak gjasa që Kepi i Gjelbër ta kalojë fazën tjetër kundër Lionel Messit dhe argjentinasve të tjerë.
Por lojtarët e përfaqësueses së vogël kanë shkruar historinë që do të mbahet mend gjatë.
“Së pari le të festojmë. Jemi shumë të lumtur. Le të shpresojmë që të gjithë banorët e Kepit të Gjelbër të jenë të lumtur gjithashtu. Nga nesër do të përpiqemi për ndeshjen tjetër. Është kundër Argjentinës, apo jo? Një ndeshje e vështirë, por le të besojmë. Çdo gjë është e mundur”, ka shtuar Duarte.
Kepi i Gjelbër avancoi në fazën nokaut me tri barazime, me paraqitjen e fortë dhe defenzive kundër Spanjës në ndeshjen e parë si më mbresëlënësen deri më tani.
Kjo i siguroi Kepit të Gjelbër tifozë të rinj në gjithë botën. Stadiumi në Houston ishte i mbushur me fanella të kësaj përfaqësueseje në ndeshjen ndaj Arabisë Saudite.