Të paktën 27 persona kanë humbur jetën në një zjarr masiv në një park argëtimi në Indi, raportojnë autoritet lokale, njofton “AP”.
Zjarri ka shpërthyer në parkun e lojërave në qytetin Rajkot, në shtetin perëndimor Gujarat.
“Trupat janë djegur rëndë dhe identifikimi do të jetë i vështirë”, u ka thënë gazetarëve zyrtari i lartë i policisë Radhika Bharai, ndërsa ka përditësuar numrin e viktimave.
Ka frikë se ka ende shumë viktima të bllokuara nën rrënoja.
“Deri më tash kemi konfirmuar vdekjen e 27 personave në incidentin e zjarrit”, tha komisari i policisë për qytetin Rajkot, Raju Bhargava.
Edhe
Të paktën 27 viktima nga zjarri që përfshiu një lokal në Tajlandë
Më herët ishte raportuar për 24 të vdekur. Besohet se disa nga viktimat janë fëmijë nën moshën 12-vjeçare.
Xhirimet kanë treguar zjarrfikësit duke larguar rrënojat e një strukture të shembur ku raportohet se ishte përdorur për të luajtur bouling, por kishte edhe karting dhe trampolina.
Zjarri shpërtheu të shtunën pasdite kur vendi ishte i mbushur me fëmijë dhe të rinj. Zjarri është lokalizuar tashmë dhe shkaqet e fillimit të zjarrit ende nuk janë të ditura.
Parku zakonisht është i mbushur me familje, ku fëmijët argëtohen fundjavave gjatë pushimeve verore.
Edhe
Të paktën 26 të vdekur nga një zjarr në një klub nate në Indi
Kryeministri i Indisë, Narendra Modi, ka thënë se është shumë i shqetësuar nga zjarri në Rajkot dhe se mendja e tij është me familjarët e viktimave. E kryetarja e shtetit Gujarati, Bupendra Patel, ka thënë se do të caktohet një ekip special hetues.
Parku i argëtimit ishte pronë private dhe Bhargava ka thënë se ndaj pronarit do të hapet rast për neglizhencë.
