Presidenti ukrainas, Volodymyr Zelensky, do ta takojë presidentin amerikan, Donald Trump, në Washington të premten, teksa Trumpi nuk dihet nëse do t’ia japë Ukrainës raketat Tomahawk.
Takimi i tyre vjen një ditë pasi Trumpi tha se u arrit “progres i madh” pas telefonatës me presidentin rus, Vladimir Putin, me të cilin ra dakord të takoheshin në Hungari.
Teksa Zelensky arriti në SHBA, ai tha se Moska “nxiton ta rikthejë dialogun sapo dëgjon për Tomahawks”.
Zelensky i ka bërë thirrje SHBA-së që t’ia japë raketat, të cilat mund të jenë të afta të godasin brenda Rusisë.
Kur Trumpi u pyet se a po konsideronte t’ia jepte Kievit këto raketa, ai ishte përgjigjur: “Do të shohim... ndoshta”.
Artikuj të ngjashëm
-
Trumpi nuk ia premton Zelenskyt raketat e shumëkërkuara
-
Zelensky thotë se pati takim të mirë me Trumpin
-
Trumpi dhe Zelensky po mbajnë takim me dyer të mbyllura në Washington
-
Zelensky flet me Trumpin: Bisedimet duhet të çojnë në takim me Putinin
-
Zelensky diskuton me Trumpin mundësinë e vendosjes së trupave amerikane në Ukrainë