Presidenti i Ukrainës, Volodymyr Zelensky, ka njoftuar të dielën se ka zhvilluar një bisedë telefonike me kancelarin gjerman, Olaf Scholz, me të cilin ka diskutuar për sanksione të reja ndaj Rusisë.
Zelensky nëpërmjet një postimi në Twitter, ka thënë se përveç diskutimeve për sanksione të mundshme shtesë për Rusinë, në këtë bisedë është folur edhe për mbrojtjen dhe mbështetjen financiare për Ukrainën.
“Zhvilluam një bisedë telefonike me Olaf Scholz. Diskutuam për sanksionet ndaj Rusisë, mbrojtjen dhe mbështetjen financiare për Ukrainën”, tha ai.
Zelensky ka shtuar se në këtë bisedë është theksuar edhe nevoja që të gjithë autorët e krimeve të luftës duhet të identifikohen dhe të ndëshkohen.
Had a phone conversation with @OlafScholz. We emphasized that all perpetrators of war crimes must be identified and punished. We also discussed anti-Russian sanctions, defense and financial support for Ukraine.
— Володимир Зеленський (@ZelenskyyUa) April 10, 2022
