Zelensky: Besoj se Amerika do t’i kapërcejë kontradiktat dhe frikërat lidhur me Rusinë

Presidenti ukrainas, Volodymyr Zelensky, ka mbajtur të hënën një videofjalim me rastin e Ditës së Pavarësisë së Ukrainës.

Ai ka thënë se Rusia kishte dështuar në përpjekjen e saj për të marrë nën kontroll Ukrainën.

“Ukraina është ndryshe dhe nuk heq dorë nga ajo që është e saj. Rusia nuk dëshiron paqe. Ajo dëshiron mobilizim”, ka thënë Zelensky.

Ai u ka bërë thirrje liderëve botërorë të bashkohen për vendosjen e sanksioneve ndaj Rusisë dhe t’i ofrojnë Ukrainës të gjithë ndihmën për të cilën ka nevojë.

“Jam i kënaqur që Shtetet e Bashkuara kanë humbur të gjitha iluzionet lidhur me atë nëse Rusia dëshiron vërtet t’i japë fund kësaj lufte. Besoj se Amerika do t’i kapërcejë të gjitha kontradiktat dhe frikërat e saj lidhur me Rusinë”, është shprehur Zelensky. 

Presidenti ukrainas gjithashtu i ka bërë thirrje Kinës të tregojë lidership në skenën globale.

Edhe Botë 18 min. më parë Plakja e popullsisë në Gjermani ka rritur shpenzimet sociale në nivele rekord

“Kina duhet të dëshmojë ambicien e saj për të qenë një nga liderët e botës, jo vetëm ekonomikisht dhe teknologjikisht, por edhe si qytetërim”, është shprehur Zelensky.

Me rastin e përvjetorit të Pavarësisë së Ukrainës, në Kiev po qëndrojnë disa prej liderëve evropianë, përfshirë kryeministrin britanik, Andy Burnham, për të cilin është vizita e parë jashtë shtetit që kur e ka marrë detyrën këtë verë.