Një sulm ajror izraelit ka vrarë gjashtë anëtarë të një familjeje në qytetin e Gazës, sipas mjekëve vendas.
Sulmi ka goditur një apartament në lagjen perëndimore al-Sabra. Ushtria izraelite ka thënë se objektivi i saj ishte një operativ i Hamasit dhe se ende po shqyrtonte rezultatet e sulmit.
Sipas ministrisë së Shëndetësisë të drejtuar nga Hamasi në Gazë, të paktën 1,168 palestinezë janë vrarë në sulmet izraelite që kur armëpushimi midis Izraelit dhe Hamasit hyri në fuqi tetorin e kaluar.
Katër ushtarë izraelitë janë vrarë në sulmet palestineze në Gazë gjatë së njëjtës periudhë.
Pas sulmit të së martës në qytetin e Gazës, zyra e të drejtave të njeriut e OKB-së ka dënuar intensifikimin e fundit të sulmeve ushtarake izraelite në Gazë.
Midis 13 dhe 20 korrikut, të paktën 57 palestinezë, përfshirë gjashtë fëmijë dhe tetë gra, janë vrarë në sulmet ajrore ndaj ndërtesave të banimit, një kampi për familjet e zhvendosura, ka thënë zëdhënësi Thameen Al-Kheetan.
-
Vriten katër persona në Gazë, në mesin e tyre një fëmijë
-
Izraeli sulmon Gazën edhe pasi Hamasi thotë se do të çarmatoset
-
Të paktën nëntë të vrarë në sulmet ajrore izraelite në Gaza
-
Të paktën 17 të vdekur në Gazë nga një sulm izraelit
-
Shkon në mbi 30 numri i të vrarëve nga sulmet e fundit izraelite në Gazë