Ka shkuar në dhjetë numri i civilëve të vdekur si pasojë e sulmeve ajrore në Liban, ka bërë të ditur media shtetërore libaneze të enjten, duke e bërë ditën e djeshme më vdekjeprurësen në më shumë se katër muaj shkëmbime ndërkufitare.
Grupi militant libanez Hezbollah është zotuar të hakmerret për sulmet e së mërkurës, të cilat goditën qytetin Nabatiyeh dhe një fshat në Libanin jugor, vetëm disa orë pasi predha nga Libani vrau një ushtar izraelit, raportoi Associated Press.
Më shumë sulme izraelite u raportuan në Libanin jugor të enjten derisa kryeministri i përkohshëm i Libanit, Najib Mikati, dënoi përshkallëzimin.
“Në një kohë kur ne po këmbëngulim për qetësi dhe i bëjmë thirrje të gjitha palëve që të mos përshkallëzohen, ne gjejmë se armiku izraelit po zgjeron agresionin e tij”, thuhet në një deklaratë nga zyra e tij.
Ushtria izraelite tha se sulmet e së enjtes kishin në shënjestër infrastrukturën dhe pikat e nisjes së Hezbollahut.
-
Izraeli dhe Hezbollahu vazhdojnë sulmet pavarësisht armëpushimit
-
Nëntë persona vriten pas sulmeve izraelite, përfshirë ushtarakë
-
Të paktën 14 të vrarë nga sulmet e Izraelit mbi Liban
-
Disa të vrarë në Liban pas intensifikimit të sulmeve izraelite
-
Sulmet izraelite vrasin 10 persona në Liban, përfshirë një fëmijë