-
Përktheu:
Flutura Gashi-Mehmeti
- 14 janar 2026 07:58
- Shpërndaje në:
Të paktën 22 persona kanë mbetur të vdekur pasi një vinç ndërtimi ka rënë mbi një tren pasagjerësh në verilindje të Tajlandës të mërkurën.
Vinçi, i cili po përdorej për të ndërtuar një hekurudhë të lartë me shpejtësi të lartë, ka rënë mbi trenin në lëvizje ndërsa ai po udhëtonte nga Bangkoku në provincën Ubon Ratchathani.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTreni ka dalë nga shinat dhe është përfshirë nga flakët, sipas Departamentit të Marrëdhënieve me Publikun të Nakhon Ratchasima.
Departamenti ka thënë në një postim në Facebook se zjarri ishte nën kontroll dhe se ekipet e shpëtimit po kërkonin për njerëz të bllokuar brenda trenit.
E ministri i Transportit, Piphat Ratchakitprakan, ka thënë se të paktën 22 persona kanë mbetur të vdekur dhe se në tren ndodheshin 195 persona.
Ai ka shtuar se ka urdhëruar një hetim për aksidentin.
Arrin në 32 numri i të vdekurve nga incidenti me tren në Tajlandë
Photo: Associated Press
Të paktën 32 persona kanë humbur jetën dhe 64 të tjerë janë lënduar pasi një vinç ndërtimi ka rënë të mërkurën mbi një tren në lëvizje në Tajlandën verilindore.
Vinçi ka nxjerrë trenin na shinat duke shtypur disa nga vagonët e tij, njëri prej të cilëve është përfshirë nga flakët.
Një njëvjeçar dhe një 85-vjeçar janë midis të lënduarve, ndërsa shtatë persona janë në gjendje kritike, sipas autoriteteve.
Të dhënat zyrtare thonë se rreth 195 pasagjerë kishin qenë në tren kur ka ndodhur aksidenti rreth orës 09:00 sipas kohës lokale.
Hekurudha Shtetërore e Tajlandës ka nisur një hetim për incidentin dhe ka njoftuar se po ndërmerr veprime ligjore kundër kompanisë së ndërtimit përgjegjëse për vinçin.