Ion Iliescu, presidenti i parë i zgjedhur i Rumanisë pas rënies së komunizmit në vitin 1989, ka vdekur të martën në moshën 95-vjeçare.
Iliescu mori pushtetin pas rrëzimit dhe ekzekutimit të diktatorit komunist Nicolae Ceaușescu dhe bashkëshortes së tij Elena, më 25 dhjetor 1989.
Ai u rizgjodh president në vitet 1992 dhe 2000, përpara se të tërhiqej nga jeta publike në vitin 2017.
Shëndeti i tij ishte përkeqësuar në vitet e fundit. Në vitin 2019 iu nënshtrua një ndërhyrjeje kirurgjikale në zemër dhe në qershor u diagnostikua me kancer në mushkëri.
Iliescu ishte përballur edhe me akuza për krime kundër njerëzimit lidhur me rolin e tij gjatë revolucionit të përgjakshëm, por ai i kishte mohuar vazhdimisht.